четверг, 7 июля 2011 г.

Ո՞վ սպանեց մետրոյին...

Ինչպես գիտենք,քաղաքապետարանի ընդունած որոշումը մետրոյի թանկացման վերաբերյալ հուլիսի 1-ից մտավ ուժի մեջ։Ֆեյսբուքյան "Դեմ ենք մետրոյի թանկացմանը" խումբը ուղարկեց իր Բաց նամակը ՀՀ նախագահին և քաղաքապետին,պարոն քաղաքապետի պատին գրվեցին բազում բողոքներ,իսկ վերջապես հուլիսի 1-ին նույն խմբի անդամները բողոքի ցույցով հանդես եկան Երևան քաղաքի քաղաքապետարանի  շենքի դիմաց։
Կցանկանայի անդրադառնալ այս խնդրին և կատարել դիտարկումներ իմ տեսանկյունից։
Կային մարդի,ովքեր կողմ էին մետրոյի թանկացման`միամտորեն կարծելով,որ այդ գումարը տրամադրվելու է մետրոյի բարելավվմանը։Կային մարդիկ,ովքեր ասացին,որ կվճարեն մետրոյի համար 100 դրամ`ապահով երթևեկելու համար և վերջապես,որ եվրոպական երկրներում մետրոն շատ թանկ արժե...Եվ կար ևս մի աբսուրդ կարծիք։Մարդիկ ասում էին,եթե թանկանա մետրոն,մարդիկ ավելի շատ կսկսեն օգտվել մետրոյից։
Ես արդեն սպառել եմ ամբողջ հույսս,որ մեր կառավարությունը գումարն անհրաժեշտ տեղում կօգտագործի`այն իր գրպանում տեղ հատկացնելու փոխարեն։Չեմ ցանկանում շատ մանրանալ և տարբեր օրինակներ բերել։Պարզապես կասեմ,որ մետրոյի բարելավման համար վերցվել է ոչ քիչ քանակությամբ վարկ։Ասե՛ք խնդրեմ,դուք անձամբ ի՞նչ բարեփոխումներ եք տեսել մետրոյում։Միակ աչք ծակող փոփոխությունը Զորավար Անդրանիկ կայարանի պատերի վրայի նոր մատերիալն էր,որի շնորհիվ բոլոիս ծանոթ այդ սպիտակ փոշին չի դիպչում հագուստին։Ուրիշ ոչինչ ես չեմ նկատել,անկեղծ եմ ասում։Եթե դուք տեսել եք,գրե՛ք խնդրեմ,մեկնաբանություններում։Իսկ եթե կան էլ,ապա այնքան չնչին են,որ աչք չեն ծակում։Ապա ու՞ր կորավ այդ ամբողջ վարկը։
Երբ օրինակ ենք բերում եվրոպական երկրները,պետք է հիշենք,որ եվրոպայի կենսամակարդակը շատ ավելի բարձր է,քան մերը։Միայն նրանց նվազագույն աշխատավարձը ամեն ինչ պարզ է դարձնում։
Ես բացարձակապես չհասկացա մետրոյի թանկացման և դրանից օգտվելու քանակի բարձրացման կապը։Ինչպե՞ս կարող է ժողովուրդը մեր այս կարգավիճակում սկսել ավելի շատ օգտվել մի բանից,որն անմիջապես թանկանում է 100 տոկոսով։Այս մտածելակերպը ինձ համար պարզապես հանելուկ մնաց...
Չորրորդ։Ըստ ՀՀ կայուն զարգացման ծրագրի`գներն ու արժեքները կարող են բարձրանալ և աճել միայն 4.5%-ով,իսկ մետրոն թանկացավ անմիջապես 100%-ով։
Ո՞րն է Մետրոպոլիտենի արդարացումը։
Մետրոպոլիտենն ասում է,որ գնացքների համար ներկրված պահեստամասերը,նվազագույն աշխատավարձի ու թոշակների բարձրացումն իրականացվել է հենց այս ծրագրի հիմքով,որ պետք է մետրոն թանկանա։Բացի այդ նրանք նշում են,որ մետրոն յուրաքանչյուր անձի համար վճարում է 160 դրամ,այսինքն 110 դրամ ավելի,քան վճարում է հաճախորդը։
ՀՀ միակ պետությունն է Կովկասում,որ չունի էլեկտրաէներգիայի խնդիր,այդ պատճառով այս ենթակետի մասին լռում եմ։
Ինչպե՞ս մետրոյի թանկացումն անդրադարձավ մեզ`հասարակ մարդկանց վրա։
Ինչպես նշեցի վերևում "Դեմ ենք մետրոյի թանկացմանը" խմբի անդամները բազում մամլո ասուլիսներից,հարցազրույցներից,բողոքներից և անգամ բաց նամակ ուղարկելուց հետո դեռ պատասխան չեն ստացել։
Այսօր ես`մի մարդ,որը շատ էր սիրում մետրոն և սիրում էր դրանից օգտվել,որոշեցի մտնել մետրո։Ահա առաջին տպավորություններս։Երբ մոտեցա դրամարկղին,անմիջապես հայացքս գցեցի վերևի ցուցատախտակին`հույս ունենալով,որ մետրոն վերջիվերջո չի թանկացել։Սակայն ես հուսախաբվեցի։
Ես գծուծ չեմ,բայց մինչև ձեռքիցս այդ երկրորդ հիսուն դրամը պոկեցի,ներսս ամեն ինչ տակնուվրա եղավ։Չեմ կարող բացատրել,պարզապես այնքան խորթ էր,դեռ մանկուց մայրիկի հետ շատ էինք լինում մետրոյում ու մետրոն ինձ մոտ միշտ դրական էմոցիաներ է առաջացնում(Ձեզ ծանո՞թ է),իսկ այսօր մետրոն ինձ խորթ էր։Սկսեցի իջնել ներքև և հանդիպեցի երկրորդ հիասթափությանը։Չնայած դա հիասթափություն չէր,ես սպասում էի այդպիսի պատկերի։Մետրոն դատարկ էր,մետրոն դատարկ էր խայտառակ ձևով։Օրվա պիկ ժամին`14։00-ին,մետրոյում հազիվ հնարավոր լինել հաշվել 15 հոգի,այն ինչ մի ամիս առաջ մետրոն այդ ժամին լեփ-լեցուն էր։Իհարկե դասերը վերջացել են,և ուսանողներն էլ բնականաբար չեն օգտվում մետրոյից,սակայն ես հիշում եմ,թե անցած տարի ինչպիսի տեսք ուներ մետրոն այս շոգ եղանակին։
Ամռանը շոգ է,շատերը ցանկանում էին մտնել մետրո և բացի զովանալուց հանգիստ երթևեկել`զերծ մնալով երթուղայինների և ավտոբուսների տոթ ու անօդ մթնոլորտից։
Բայց ի՞նչ ենք մենք այսօր տեսնում։Ո՞վ սպանեց մեր սիրելի մետրոյին։Ո՞վ է մեղավոր նրա մահվան մեջ։Մե՞նք,որ լռեցինք ու չընդդիմացանք անհիմն թանկացման դեմ,թե՞ մեր պետությունը,որ մեզ կրկին օգտագործում է այնպես,ինչպես ցանկանում է։Չգիտեմ։Բայց մետրոյին սպանեցին...իսկ ես սիրում էի նրան...
Այլ աղբյուրներ և նյութեր.

«Դեմ ենք մետրոյի թանկացմանը»

«Բաց նամակ ՀՀ նախագահ Սերժ Սարգսյանին»

Դեմ ենք մետրոյի թանկացմանը». «Facebook»-ում մտադիր են բոյկոտել մետրոն

Ֆեյսբուքցիները մետրոյի թանկացման դեմ

 Չհանդուրժել ուղեվարձի թանկացման Կարապետյանի դրայվը

 Ֆեյսբուքցիները բողոքում են մետրոյի թանկացման դեմ

ՖԵՅՍԲՈՒՔՑԻՆԵՐԸ ԲՈՂՈՔՈՒՄ ԵՆ ՄԵՏՐՈՅԻ ԹԱՆԿԱՑՄԱՆ ԴԵՄ

3 комментария:

Анонимный комментирует...

հավես չունեի հեռախոսով բլոգում մանրամասն քոմենտ անեմ ինչու են թանգացրել, բայց կան պատճառներ հավատա, ոչ մեկի ջեբը չի եթում, սենց թե եննց փողը չի հելնում, իսկ արդյունքները դու չես տենա, քանի որ դա գնումա անվտանգության ապահովմանը, այսինքն՝ դա նոր պոմպեր, շարժակազմի վերանորոգում և այլն:ուղղակի կարդացի բլոգումտ մի 5 տող ու հելա շատ սխալ բաներ կա

♥Նեո комментирует...

ete aydqan teghekacvac eq metroyi tankacman patcharnerov ev dranc iravaciutyamb,apa xndrum em,vor hatkacneq 2 rope jamanak ev lusavoreq indz,te ayd inch@ stipec mer petutyan@ aranc iskakan bacatrutyun talu metroyi arjeq@ tankacnel 100tokosov..
Shnorhakalutyun

Lusine комментирует...

Indz nuynpes shat hetaqrqir e, te inch patcharner kan nman tankacman hamar, bayc dranq hastat voch ashxatavardzi ev voch el toshaki bardzracman@ chen uxxvel. Dra masin xosq angam linel chi karox, erb mer erkrum nvazaguyn ashxatavardz@ kazmum e @ndamen@ 32,500dram, isk himnakan toshak@ 10,500dram!

LinkWithin

Related Posts Plugin for WordPress, Blogger...